ඔන්න දවසක් පොලිසියට අලුතින් නිලධාරියෝ ගන්න සම්මුක පරීක්ෂණයක් තිබුනලු. එක්කෙනක් ඇවිල්ල හිටියලු සැහෙන උගත් කමක් තියෙන. ඉන්ස්පෙක්ටර් තමන් දන්න බව පේන්නත් එක්ක ඇහුවලු “තමුන් දන්නවද කවුසිළුමිණ ලිවුවේ කවුද කියල?”. ඉන්ටවිවූ අපු පොර ෆුල් අන්දුන් කුන්දුන් වුනාලු. මිනිහා දස අතේ කල්පනා කරන අතරේ ඉන්ස්පෙක්ටර්ට කෝල් එකක් ආවලු හදිසියේම එන්න කියල. එපාර ඉන්ස්පෙක්ටර් සාජන් කෙනෙක්ට කතා කරලා කිව්වලු “මම මෙයාගෙන් ප්‍රශ්නයක් ඇහුවා කවුසිළුමිණ ලිවුවේ කවුද කියල, උත්තරේ දුන්නට පස්සේ ගෙදර යවන්න” කියල.

ඉන්ස්පෙක්ටර් වැඩේ ඉවර කරලා එනකොට අර ඉන්ටවිවූ අපු පොර ලේ දාගෙන ඉන්නවලු බිම වැටිලා. සාජන් නුත් හෙන පොර වගේ සිනා මුසු මුහුණින් ඉන්නවලු. ඉන්ස්පෙක්ටර් ඇහුවලු “මේ මොකද අයිසේ මේ?” කියල.

සාජන් කිවුවලු “සර් මුන්ව බබා කරලා හරියන්නේ නැහැ, සර් කොච්චර් වෙලා ගත්තද මුගෙන් වචනේ ගන්න, මම දෙකයි දුන්නේ මු පිළිගත්තා කවුසිළුමිණ ලිවුවේ මු කියල”. ඉන්ස්පෙක්ටර්ට කවදාවත් නැති කලන්තේ ගතියක් දැනුනලු